وەزارەتی پەروەردەی حكومەتی هەرێمی كوردستان رایدەگەیەنێت بۆ ئەمساڵ تاقیكردنەوەی هەڵسەنگاندنی پۆلی شەشی بنەڕەتی ئەنجام نادرێت.
شۆڕش غەفور، لە بەشی راگەیاندنی وەزارەتی پەروەردەی حكومەتی هەرێمی كوردستان بە خەندانی راگەیاند: "بەهۆی قەیرانی داراییەوە بۆ ئەمساڵ تاقیكردنەوەی هەڵسەنگاندنی قوتابیانی قۆناغی شەشی بنەڕەتی ئەنجام نادرێت".
وتیشی: "ئەو تاقیكردنەوەیە خەرجییەكی زۆری پێویستە، بۆیە بڕیارمانداوە بۆ ئەمساڵ ئەو تاقیكرنەوەیە ئەنجام نەدرێت".
ئاشكراشیكرد: "ئەم بڕیارە تەنها بۆ ئەمساڵە".
ساڵانی رابردوو، لەنێوان وەرزی یەكەم و وەرزی دووەمی خوێندن، تاقیكردنەوەیەكی هەڵسەنگاندن لە وانەكانی ئینگلیزی و كوردی و زانست و بیركاری، بۆ قوتابیانی قۆناغی شەشی بنەڕەتی ئەنجام دەدرێت، ئەمساڵیش بەهۆی قەیرانی داراییەوە ئەو تاقیكردنەوەیە ئەنجام نادرێت.
خشتهی تاقیكردنهوهكان
ليست هناك تعليقات: